Ógnanir og hótanir
- Við Háskóla Íslands gilda almennir mannasiðir, sem þýðir að fólk kemur fram við aðra eins og það vill að komið sé fram við sig.
- Haltu ró og sjálfstrausti jafnvel þó þér líði ekki þannig
- Talaðu lágt og eintóna
- Ekki fara í vörn. Ekki svara ásökunum og svívirðingum, alls ekki!
- Talaðu af kurteisi, skilningi og virðingu
- Ekki reyna að rökræða eða sannfæra
- Ekki giska á líðan viðkomandi og ekki reyna að túlka aðstæður hans.
- Reyndu að höfða til skynsemi. Ekki segja: "Hvernig líður þér?" Segðu frekar: "Hjálpaðu mér að skilja?"
- Vitnaðu í reglur stofnunarinnar en gerðu þær ekki persónulegar með því að segja "við" eða "ég".
- Ef þér tekst ekki að róa aðstæðurnar skaltu óska eftir aðstoð
- Talaðu við næsta samstarfsmann
- Stattu upp og leitaðu aðstoðar í næsta rými
- Kallaðu á aðstoð í gegnum hjartað í uglunni ef það er í boði
Ef ógnin er þess eðlis að þörf er á aðstoð lögreglu skal strax hringja í 1-1-2
Öll tilvik skal tilkynna til öryggisnefndar HÍ á sömu síðu og tilkynningar um slys og óhöpp
- Vertu augliti til auglitis við þann sem þú ert að tala við. Ef viðkomandi situr, þá situr þú, ef viðkomandi stendur þá stendur þú líka.
- Haltu meiri fjarlægð en venjulega, ef það er mögulegt. Hafðu borð eða stól á milli ykkar.
- Ekki standa beint á móti viðkomandi, stattu skáhalt á móti, tilbúinn að stíga til hliðar.
- Ekki benda eða veifa fingri
- Ekki brosa, það gæti skilist sem hæðni
- Ekki snerta viðkomandi
- Hafðu hendur ekki í vösum, það gerir líkamlegt jafnvægi verra.
